天生我材必有用

甲：人生親像大舞台

乙：笑詼苦齣攏公開

甲$乙：上台行禮

甲：人講「一枝草，一┬點露，天無絕人的生路

乙：「二個人若同心，烏土嘛會變黃金

甲：三更火，五更雞，扑拼就有出頭的機會

乙：七腳戲，報萬兵，捷捷上台就有信心

甲：雖然阮佇逐的面前答喙鼓，抉輸是佇關公面前弄大刀

乙：無啦！←汝是胡蠅戴著龍眼殼-----蓋頭蓋面

甲：毋擱！今仔日〈頷頸生瘤-------柱著阿〉阮嘛只好〈十二月屎

    桶— 盡拼〉

乙：著啦！著啦！今仔日逐個佇茲是〈仙拼仙、拼死猴齊天〉ㄚ若阮

    是〈閻羅王開酒店---ㄨ驚死的做汝來

甲：ㄟ！汝講話的氣魄抉歹喔！

乙：無啦！我只是想講：〈頭剃落，無洗嘛訣使〉

甲：茲擺的表演，咱學校會派汝出來，汝的表現一定是〈烏矸仔儲豆

    油，無地看〉！

乙：哪有啦！阮校長是〈無牛使馬〉，〈無布袋戲ㄤ仔只好弄傀儡〉。

甲：人講：〈甘願共賢人【比自己】做奴才，嘛無通共頇顢【比乙】

   做軍師〉

乙：所以阮老師叼工叫我來共汝學一寡讀冊的工夫

甲：恁老師算盤TIA4茲久，若會〈揀阿揀，揀著汝茲個賣龍眼【手

   比對乙的身軀】〉害我這隻〈勇勇仔馬綁佇將軍柱〉

乙：ㄟ！阮老師講：〈天抉生沒路用的人，地抉發無根的草。〉擱講：〈草仔枝嘛會絆倒人〉、〈任任馬嘛會有一步踢〉

甲：汝嘛講看汝會曉〈踢〉啥?

乙：阮老師講我是：一喙掛雙舌，真敖歕雞閨，硌會曉講台語，派我來講答喙鼓上合味。

甲：著著著！人講〈一人敖一項，逐項攏無仝〉，恁老師講的嘛真有

     道理。

乙：所以講：妳千萬無通〈目周皮無漿泔〉，當做阮【貓仔無點】

甲：妳講甲嘴角全全波，我問你生目眉要做啥?

乙：誰不知！這簡單，當然是欲看美啊

甲： 除了看水 還有遮雨遮沙的功效

乙：嘛對！連目眉都有這好的作用，何況是人呢！

甲：人講：〈人不可貌相，海水不可斗量〉

乙：天生我材必有用，小卒有時也會變英雄

甲：好啦！好啦！哩哩囉囉竹竿湊菜刀講遐濟

乙：喔！我知樣，只要認真拍拼，對家治有信心，總是有出頭天的一工。

甲&乙：只要咱共食苦當做食補，勿驚艱苦，最後一定會行出一條光明的路。


~~~~為學生所寫的比賽稿~~~