2022.4.5-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,543,434 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.4.3 《前一篇

後一篇》 2022.4.9

回應

給他日記貼紙

給他愛的鼓勵

檢舉

篇名: 2022.4.5
作者: C	日期: 2022.04.05　　天氣: 　心情:

今仔日是四月初五，清明，禮拜二，我佇羅伯摸非。
昨昏嘛來遮摸非，寶林阿舅提寡荷蘭豆來，阿母叫我去全聯買寡麵包予伊。
捌塊兩百箍。
倚晝在阿姆去草地揣阿爸。順紲共門口彼咖花坩載去，頂璇種有一欉柚仔佮仙桃。
欲提去栽，遮塗傷少矣。
到位先用鋤頭挖空，塑膠花坩愛摃予破財會當徙栽。
栽好了，先去711食飯。無紮薰閣買一包。
食飽閣去園裡沃水。
阿爸閣欲做，我只好去舊厝提機仔翸草。
先拄到阿妗，講明來意，閣搪到五婆，話一時仔，閣拄到阿姨，閣話一時仔。
這擺油加三十。用較欲一半加。
三點半翸到較欲五點。
還機仔時，閣和五婆話，阿姨送我一罐沙士。
序大攏真好意。

昨昏太太取囡仔去漢神巨蛋。
轉來已經愛睏矣。
按時囡仔洗身軀時，問我為啥物泡泡會癢
我講因為人有神經，所以有感覺。
伊問敢有無神經的？我講干焦神無神經。
伊講神有。阿無拜拜伊哪會聽有。
我想一下仔，講著喔。
觀世音菩薩會看，會聽，表示有視神經，聽覺神經。
看人艱苦，伊會幫忙，表示伊嘛有感覺神經。
伊閣講伊今仔日有提一箍予無錢的老人
我講伊按呢嘛是菩薩，菩薩攏是好的，會幫助人的。
歹的毋是菩薩，是魔鬼，
伊問啥物是魔鬼？敢會食人？
我講上恐怖的是貧惰鬼。外型雖然無恐怖，顛倒予人感覺誠親切。
予人袂驚，才會害人欲濟。
閣過是受氣鬼，攏會叫人莫用頭殼想，大細項代誌攏會受氣，結果就惹麻煩。
第三是貪心鬼。伊攏會予人感覺會有閣較濟，其實顛倒啥物攏無

昨日初二，取某囝去屏東圖書館，看著一本冊
予我誠有感覺。伊用一日一頁一張圖介紹西洋美術。
我想講我嘛會當用日期方式介紹歷史
用日期做尺就免受中果歷史束縛，同時會當比較時間前後佮中西方世界各地事件
但是這愛開時間整理
用365工來講完兩河埃及到21世紀。
我想欲做看覓。

標籤:

瀏覽次數:168 人氣指數:168 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：