某天晚上1930, 旺角某Cafe, 9個大學年代讀書組成員聚舊, 愉快的時光令我可以在0010才第一次看錶. 要不是第二天要補課, 再晚也沒所謂.

送走了要搭小巴的友人, 獨自坐地鐵回家.

月台時鐘指著12時34分, 還在擔心要等10分鐘車, 要很晚才能回家. 還好2分鐘就有車了.

其實只是三個站, 也坐了. 即使全晚也是坐著.

發呆中, 回味著剛才的點滴, 想著想著, 發現是綠色的站, 還有一個站才下車.

想著想著, 突然很想數數將來若然出嫁, 有哪些友人可以做姊妹/伴娘.

數著數著, 唔, 原來都數到幾個出來, 雖然不肯定她們都會答應(也許因為忙碌), 只是真的沒想到原來會「夠腳」.

到時候她們應該大都出嫁了, 不要緊, 姊妹嫁了沒有都可以做的嘛! 唔, 到時候誰人要做哪個崗位呢?

為甚麼現在都已沒了玩新人的環節? 只有新人表演和抽獎說祝福說話實在太悶了嘛, 到時候要跟她們說聲不要這樣.

笑著, 對, 是微笑著, 想想已足夠幸福.

車門開了. 轉身一看, 橙色的月台?

.................

????????

過了站! 趕在車門關上一刻衝出車, 還要扮沒事地走到對面月台.

7分鐘. 整定都係要等10分鐘車.

實在太不知所謂, 從未試過夜歸會搭過站的, 還要因為想此等無聊事情而搭過站.

要差不多1點才能回到家了, 之前還以為可以12點九之前可以返到. 肯定擔心死阿媽[在Cafe 發現時間時已經太晚不宜打回家] .  仲話住地鐵上蓋物業可以10分鐘出到旺角, 早知搭紅van啦......

疑? 為何有些人我想不起找她們做姊妹？ 

不過, 即使邀請她們做姊妹, 唔......她們應該會有自己的理由而不肯的. 只是剛才也沒理由想不起她們嘛......

反宜想起另外這一班?

原來我這(另外的)group已不知不覺間已經重新投入了, 真想不到.

還要找司琴, 主席, 訓勉, 祈禱, 讀經......是我這邊教會還是他那邊的呢? 其實我這邊想邀請的人有許多啊......

如果可以在那一間教堂行禮就好了. 不過朋友不多, 會不會像上回觀禮時那樣冷清? 好像不太好吧, 但真的很喜歡那一間教堂啊......

噢, 沒想到那麼晚仍有那麼多人. 有些空位, 想坐......

還是不坐了, 不能容許再搭過站, 不可以再更夜先返到屋企啦......

打醒12分精神. 一個站, 原來好遠. 

其實, 遠看車卡的擺動, 都幾好睇呀......D柱真係可以完全排一直線o架, 証明我地個月台好直.

估唔到咁夜仲有咁多人上車. 

12點55分, 實在太無聊, 點可以因為D咁無聊既事搞到咁遲返屋企. 

"往中環方向的尾班車已經開出, 現在只剩下往荃灣方向的列車服務" 

啊! 原來我剛才是搭尾班車返轉頭! 如果連尾班車都搭唔到, 荔枝角, 要點返屋企呢? 可以行到返o黎架喎......不過咁夜行又好似唔係咁好......搭的士只係一條直路, 又好似好無聊, 2分鐘應該可以落車, 實俾司機叔叔背地裡咒罵......  算啦, 好彩搭到尾班車, 如果搭唔到就真係無聊至極! 我點可以俾自己做埋D咁無聊既野.... ...

(看著自己住的那一幢)

唉! 其實呢度應該仲可以住廿年......

(等電梯中)

其實, 住咁近地鐵站, 都唔會要人地送返屋企o架啦, 咁嘥錢......

(步向家門)

今次咁無聊, 睇怕都唔會再有第二次,  應該要記入OD,  

唔係喎, 寫埋D咁不知所謂的事出來, 人地肯定會笑死我啦..... 不如都係過兩日再睇下寫唔寫啦......

(苦笑中)