一片新的葉子知影春天到了 雖然山頂還有薄薄的雪 風猶原冷 但是日頭光會甲雪融去 你要牽伊的手 伊是你的新娘 你給伊要佇人生行出新的春天 有日頭光會融去恁心頭的雪 你的手 曾經是你的父親給母親牽著的手 伊的手 嘛是伊的母親給父親牽著的手 人生嘛有四季 你給伊的春天會播田會種作 有一工 恁嘛會牽恁囝仔的手 重要的是心連心 恁的愛若真誠 會充滿佇恁的身軀 四季攏會互相充滿擱溫暖 用恁的愛寫恁人生春天的詩 不只是每一年 不只是每一季 不只是每一工 這是一條真長的路 若要永遠做伙行 著要互相扶持 用心相照顧 時間的筆記簿 會記錄恁的季節 將來你的頭頂嘛會有薄薄的雪 伊會是你的日頭光是你的月娘光 彼時你越頭看過去 親像你牽伊 從有一年的春天 行過一年一年的春天
住戶編號:38101
檢舉原因
心情: 
