人與人之間冥冥中﹐好似有一種講唔出嘅緣份牽引住﹐
呢種緣份根本無法解釋  

記得有人說過﹐如果時光可以倒流﹐
佢一定會回到與他一起相遇嘅時空﹐ 唔會再逃避嗰份情緣.   

但係﹐ 假若無緣﹐縱使能夠回到過去﹐
唔屬於你嘅流水情緣﹐ 始終一樣唔屬於你 ﹐

既然係過去咗嘅﹐又何必苦苦思量誰對誰錯.
一廂情願執著﹐唔肯將份逝去嘅感情放低﹐
痛苦嘅永遠都係自己.  咁又何苦呢﹖

一段感情能唔能夠開花結果﹐最講求天時﹐地利﹐人和﹐
缺一不可  timing有時真係好緊要.  

一對男女明明深愛對方﹐但係往往基於相遇喺錯誤嘅時空﹐
咁就算點痴愛都無用.  又或者倆者相遇喺年少氣盛時﹐
咁即係話大家始終有緣無份 

無論你點留戀﹐都只得一個結果﹐就係不停讓自己痛苦﹐
或者你會覺得值得﹐但係生命係要向前看﹐
係要懂得適當地放手一份無結果嘅執著 

因為你不單苦待咗自己﹐仲苦待咗身邊每一個愛你嘅人,
值得嗎﹖朋友﹐清醒下啦!